Саҳифаи асосӣ Харитаи сомона Тамос бо мо
НБТ
  • Нишондиҳандаҳои макроиқтисодӣ дар соли 2024
  • Таваррум дар моҳи феврал
    0,3%
  • 3,6%
  • Пулҳои захиравӣ (феврал) млрд. сомонӣ
    36,2
  • Нишондиҳандаи мақсадноки таваррум барои давраи миёнамуҳлат
    6% (±2)
  • Меъёрҳои фоизии сиёсати пулӣ
    (% солона)
    • Меъёри бозтамвил
      (аз 12 феврали с.2024)9,5
    • Меъёри фоизи қарзи
      шабонарӯзӣ (овернайт) - меъёри бозтамвил +3 банди фоизӣ
    • Меъёри фоизи амонати
      шабонарӯзӣ (овернайт) - меъёри бозтамвил -3 банди фоизӣ
    • Меъёри захираҳои
      ҳатмӣ бо пули миллӣ3,0
    • Меъёри захираҳои
      ҳатмӣ бо асъори хориҷӣ9,0
    • Меъёри миёнавазни коғазҳои
      қиматноки БМТ (феврал)5,08%
  • Меъёри фоизӣ дар соли 2024
  • Меъёри фоизи миёнавазни пасандозҳои муҳлатнок бо пули миллӣ (январ - феврал)
    12,57 %
  • Меъёри фоизи миёнавазни қарзҳо бо пули миллӣ (январ - феврал)
    23,06 %
  • Меъёри фоизи миёнавазни қарзҳои байнибонкӣ бо пули миллӣ (январ - феврал)
    13,00%
  • Меъёри фоизи миёнавазни қарзҳои ипотекии манзилӣ бо пули миллӣ (феврал)
    20,74%
  • Меъёри фоизи миёнавазни қарзҳои маишию истеъмолӣ бо пули миллӣ (феврал)
    23,71%




  • Нархномаи ҳаррӯзаи сабикаҳои ченакии тиллои БМТ

Сана: 29.03.2024

Ҳаҷми сабикаҳо,
гр
Нархи бозхарид,
сомонӣ
Нархи фуруш,
сомонӣ
5 3988.08 4068.64
10 7856.66 8015.38
20 15579.86 15894.60
50 38720.29 39502.52
100 77321.22 78883.26

  • Телефонҳо барои гирифтани маълумот оид ба сабикаҳо:
    44-600-32-77, 44-600-32-48

  • Тақвими ахбор
  •       Март      

    Д С Ч П Ҷ Ш Я
    26 27 28 29 1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
  • Яндекс.Метрика

Баррасӣ ва муҳокимаи Ҳафтаи Умумиҷаҳонии Пул-2021

03.05.2021

29 апрели соли 2021 дар қароргоҳи Корпоратсияи байналмиалии молиявӣ дар шаҳри Душанбе бо иштироки намояндагони бонкҳои марказии Тоҷикистон, Озарбойҷон, Қирғизистон, Ӯзбекистон, Украина ва шарикони байналмилалии молиявӣ бахшида ба баргузорӣ ва ҷамъбасти Ҳафтаи Умумиҷаҳонии Пул-2021 (Global Money Week-2021) видеоконфронс доир гардид.

NBTL8537.JPG

Дар оғози видеоконфронс роҳбари Намояндагии Корпоратсияи байналмилалии молиявӣ дар Тоҷикистон Фаррух Султонов суханронӣ карда, таъкид намуд, ки ҳадафи мулоқоти имрӯза тақвияти бештари ҳамкорӣ ва табодули таҷриба байни бонкҳои марказӣ ва шарикони байналмилалии молиявӣ дар самти ташкил ва гузаронидани чорабиниҳои гуногуни сатҳи байналмилалӣ мебошад. Махсусан, шиносоӣ бо ҷараён ва хусусиятҳои хоси баргузории Ҳафтаи Умумиҷаҳонии Пул-2021 дар ҳар давлат барои иштирокдорони видеоконфронси имрӯза манфиатовар хоҳад буд.

Зикр карда шуд, ки баргузории Ҳафтаи Умумиҷаҳонии Пул-2021 барои ҳар як давлат муҳим аст ва он ба баланд бардоштани саводнокии молиявии аҳолӣ, рӯҳбаланд кардани кӯдакон ва ҷавонон барои нигоҳубини пул ва дар ниҳоди онҳо сайқал додани малакаи соҳибкорӣ мусоидат менамояд, зеро дар шароити кунунӣ ҷалби кӯдакон ва ҷавонон ба бахши молиявӣ аҳамияти муҳим касб кардааст.

Ҳамин тавр, дар хусуси баргузории Ҳафтаи Умумиҷаҳонии Пул-2021 дар Тоҷикистон сардори Идораи ҳимояи ҳуқуқҳои истеъмолкунандагони хизматрасониҳои молиявии Бонки миллии Тоҷикистон Улуғбек Бозоров ба иштирокчиёни видеоконфронс маълумот дода, пеш аз ҳама зикр кард, ки бонкҳои марказии давлатҳои минтақа дар ҳамдастӣ бо Гурӯҳи бонки ҷаҳонӣ тавонистанд дар доираи баргузории Ҳафтаи Умумиҷаҳонии Пул иқдомоти зиёдеро дар самти рушди зерсохтори молиявии кишварҳо амалӣ намоянд.

Аз ҷумла, барномаи “Баланд бардоштани саводи молиявии аҳолӣ”, ки соли 2014 дар доираи лоиҳаи “Рушди зерсохтори молиявӣ дар Озарбойҷон ва Осиёи Марказӣ” таҳия гардида, то ба имрӯз амалӣ шуда истодааст, метавонад намунаи ҳамкории муваффақ байни бонкҳои марказии кишварҳо ва шарикони молиявии байналмилалӣ бошад. Барномаи мазкур, ки дар доираи он чорабиниҳои зиёди омӯзишӣ, машваратӣ, таблиғотӣ-ташвиқотӣ баргузор карда шуд, барои баланд бардоштани саводи молиявии аҳолӣ такони ҷиддӣ бахшид.

NBTL8529.JPG

Сардори Идораи ҳимояи ҳуқуқҳои истеъмолкунандагони хизматрасониҳои молиявии Бонки миллии Тоҷикистон ҳамчунин аз барномаи дигар оид ба баланд бардоштани сатҳи саводи молиявии рақамии аҳолӣ ва коркарди барномаи маълумоти устувори молиявӣ ёдовар шуд, ки он низ аз ҷониби бонкҳои марказӣ ва шарикони молиявии байналмилалӣ бомуваффақият татбиқ гардида истодааст.

Дар рафти видеоконфронс инчунин, Фараҳ Алиева-мутахассиси шуъбаи саводнокии молиявии Бонки марказии Ҷумҳурии Озарбойҷон, Ҷамила Токмамбетова-сармутахассиси шуъбаи саводнокии молиявии Бонки миллии Қирғизистон, Елена Тригуб-мутахассиси раёсати робита бо ҷомеа ва саводнокии молиявии департаменти алоқаи Бонки миллии Украина ва Камила Иброҳимова-сардори департаменти саводнокии молиявии Бонки миллии Ӯзбекистон суханронӣ намуда, оид ба ҷараёни баргузории Ҳафтаи Умумиҷаҳонии Пул дар кишварҳои худ маълумот доданд.

Ҳамчунин, иштирокчиёни видеоконфронс доир ба масъалаҳои гуногуни вобаста ба ҳамкории минбаъдаи муштарак дар доираи татбиқи лоиҳаву барномаҳои фаромиллӣ, аз ҷумла боз ҳам самаранок ва ҳадафмандона баргузор кардани Ҳафтаи Умумиҷаҳонии Пул ибрози андеша намуда, таъкид доштанд, ки дар ин самт шарикони байналмилалии молиявӣ, махсусан Корпоратсияи байналмилалии молиявӣ ҳамчун ташаббускор ва ҳамоҳангсоз метавонад саҳми назаррас гузорад.

Дар поёни видеоконфронс роҳбари лоиҳаҳои Корпоратсияи байналмилалии молиявӣ дар Аврупо, Ҷумҳурии Озарбойҷон ва кишварҳои Осиёи Марказӣ Зарина Одинаева ҷараёни баргузории Ҳафтаи Умумиҷаҳонии Пул-2021 ва мулоқоти имрӯзаро натиҷагирӣ намуда, дар ин самт табодули афкор байни кишварҳо ва созмонҳои молиявӣ оид ба таҷрибаҳои баргузории чорабинии мазкурро муҳим арзёбӣ намуд.

NBTL8497.JPG

Ёдовар мешавем, ки Ҳафтаи Умумиҷаҳонии Пул-2021 (Global Money Week-2021) дар Тоҷикистон ҳар сол аз 1 то 30 апрел таҳти унвони «Моҳи саводнокии молиявӣ» аз ҷониби Бонки миллии Тоҷикистон ва созмонҳои шарик доир гардида, ҳадафи асосии он баланд бардоштани саводнокии молиявии аҳолӣ, омӯзиши тақсимоти оқилонаи буҷаи худ ва оила, оқилона истифода бурдани пул, фикр кардани ояндаи худ, барои худ ва оила пул кор кардан мебошад.

Дар доираи баргузории маъракаи мазкур ташкилотҳои қарзии молиявии Тоҷикистон оид ба саводнокии молиявӣ барои хонандагон ва донишҷӯён семинару тренинг ва экскурсияҳо ташкил намуда, тариқи ВАО барномаҳои зиёди маърифатӣ таҳия ва пахш карда мешаванд.

Инчунин, дар ин моҳ Бонки миллии Тоҷикистон дар якҷоягӣ бо шарикон барои мактаббачагону донишҷӯён озмунҳо дар мавзӯи саводнокии молиявӣ, аз ҷумла “Расми беҳтарин”, “Видеои беҳтарин” ва “Беҳтарин флеш-моб”-ро баргузор менамояд.

Шуъбаи матбуот


Диданд: 868

Бозгашт


  • prezident

    Имрӯз фурсате расидааст, ки ба қадри яке аз рамзҳои давлатдорӣ – пули миллӣ бирасем, ифтихор намоем ва ба он эҳтиром гузорем.
    Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон



x
Сатҳи таваррум %
Таваррум
Таварруми аслӣ